302 NEAPOLITANA.

Fuit ergo vera et gravis coactio ; et quamvis argumenta potiora allata ex depositione Iustinae desunientur, fidem me- rentur absolutam, tum propter religionem et sinceritatem ipsius, quas omnes testes extollunt, tum quia confirmantur, aliis testimoniis e fontibus omnino independentibus.

Plura addi possunt eiusdem generis, sed, haec, ni fallor, sufficient. Creverat repugnantia Iustinae, ita ut quocumque modo parata esset matrimonii quod exhorrebat, evitare. Sed voluntati suae dominabatur potentior voluntas avunculi, et metu expulsionis ab unico certo refugio, cooperante, miserae sorti se submittit.

Praecedentia ergo matrimonium exhibent, unionem non ex amore, sed ex coactione, cui nulla puella trilustris resistere potuit, videamus nunc subsequentia. Res paucis absolvi potest. Satis est audire Iustinam cuius verba ceteroquin iterum plenam confirmationem recipiunt ex depositione D' Auria et cetero- rum testium. Imprimis ex eius depositione elucet simplicitas vere infantilis cum ignorantia totali eius quod est matrimo- nium. Nec minus clare apparet nullum fuisse erga virum, amorem. Ab amplexibus aufugit, vult esse tanquam soror, et nonnisi post duos dies conflictus congressum maritalem admisit. Confirmat haec ipse D'Auria. Igitur ex subsequen- tibus sicut ex praecedentibus hoc coniugium, unum inferri debet, scilicet puellam hanc, inter pueriles puerilem, fuisse vere coactam metu reverentiali erga avunculum praepotentem, coniuncto cum minis eiectionis ex unico, quod ei erat refugium a meretricio. Talis vero metus in similibus circumstantiis et iuxta omnes impedimentum dirimens ob gravem quam infert, laesionem tum libertati tum consensui necessariis ad matri- monium.

ANIMADVERSIONES DEFENSORIS MATRIMONII EX OFFICIO.

Neapolis coram parocho ecclesiae Matris Dei matrimonium die 31 Iulii 1876 legitime contraxerunt trilustris adolescentula Iustina Liguori et Franciscus D' Auria iuvenis 25 annorum. Brevem deinde susceperunt rusticationem in amoenissima pla- nitie agri surrentini, coniugali genio induxerunt, Aliamque