306. De sancto Michaele.

la. In conspectu angelorum
Trium choris concentorum
Mentis, manus, labiorum
Melos jungat congruum ;

1b. Sanctus, sanctus, sanctus, Ita

Sonet manus, vox et vita,

Nostrae laudi quod unita

Sit laus exercituum.

2 a. Nos captivi Michaelem,
Nos confracti Gabrielem,
Nos Infirmi Rafaelem
Vocamus ex nomine.

2 b. In his Illis damus votum.
Quibus velle Dei notum
Ad minores est promotum
Pro nostro munimine.

3 a. Illis summe supplicemus,
Quos custodes hic habemus,
Ut ex hoste triumphemus
A sinistro latere.

3 b. Nos nescimus vias morum
Neque causas meritorum,
Illi nobis magistrorum
Curam curant gerere.

4 a. Cives urbis nos supernae,
Procurate nos fraterne,
Dum exspectant nos cavernae
Coelestis macerie.

4b. Cum nos simus vestrum latus,
Vester praesit principatus,
Ne nos premat Incolatus
In valle miseriae.