307. In Apparitione s. Michaelis.

la. In superna regione
Vigent Dei visione
Beatorum agmina,

1b. Quae In trina legione
Sita poli mansione
Novem dant certamina.

2 a. Nam beati Seraphim
Throni atque Cherubim
Stant In primo agmine.

2 b. Orbem regunt Dominantes
Et Virtutes triumphantes
Potentum juvamine.

3 a. Principantes, principatus
Mundum salvant et praelatus
Archos mira nuntiant.

3 b. Imus ordo nobis datus
Custos est et assignatus,
Ut nostra discutiant.

4 a. Cuncti vident matutina
Creatorem, vespertina
Luce, quod producitur:

4 b. Velut sol et luna plena
Fulget ac stella serena,
Qui ad eos ducitur.

5 a. Michaelem nostrae sortis,
Quis ut Deus, princeps fortis
Et draconem conterens,

5 b. Dum submersit Pharaonem,
Sanctam cibat legionem
Coeli panem conferens.

6 a. In Siponto demonstravit
Aedem vivam, quam dicavit
Tauri residentia,

6b. Sed In Roma effugavit

Pestem diram, quam fugavit
Ensis refulgentia.

7a. Tu es princeps animarum,
Reparator ruinarum,
Sed Raphael medela

7b. Curativa cuncti morbi,
Quae obvenit omni orbi
Ex prima parentela.

8 a. Missus est a summo coeli
Anno nostri jubilaei
Gabriel ad virginem

8b. Quam salutans ait ei:
Ave, luae speciei
Reparans originem.

9 a. A quo mos ut salutatur,
Verbo Dei fecundatur,
Ad montana properat;

9b. Nuntiavit Zachariae
Gabriel quoque Mariae,
Quod beatum gencrat.

10 a. Michaelis. Gabrielis
Et precatu Raphaelis
Fac, virgo piissima,

10 b. Ut repleti tuis donis
Perfruamur coeli bonis
Et vita potissima.