306 NEAPOLITANA

Postremo clarissimus Sánchez confutai doctores qui prae- iactam doctrinam videntur « limitare quando si IUSTE captus erat, morsque IUSTE in f erenda erat: » atque docet sine am- bagibus metum ex causa sive iusta sive INIUSTA incussum valori matrimonii minime officere, si incutiens haud animo intendat consensum in matrimonium per hoc extorquere. Adiicit enim: « Existimo, parum referre ad matrimonii huius valorem sive iuste sive INIUSTE damnatus sit. Quia hoc ma- trimonium EX EO non redditur irritum ob hunc metum, QUIA METUS NON INIICITUR AD ILLUD EXTORQUENDUM, Sed metus iam conceptus aufertur : ergo impertinens est, an metus ille con- ceptus fuerit ex iusta CAUSA, NEC NE. SOLUS enim metus, iniuste illatus AD EXTORQUENDUM MATRIMONIUM, illud dirimit. »

Quibus animadversis propositum fuit diluendum D u b i u m

An sententia Curiae ecclesiasticae Neapolitanae confir- manda vel infirmanda sit in casu.

RESOLUTIO. Sacra C C . die 1 6 Iunii 1 8 9 4 re disceptata censuit respondere : Non constare de nullitate matrimonii.

Ex QUIBUS COLLIGES I. Solummodo metum iniuste illatum, ad extorquendum matrimonium, valere illud dirimere.

II. Quoties enim metus non incutitur ad extorquendum matrimonium, sive a causa libera, sive a causa naturali, matrimonium non irritatur : et ideo validum esset matri- monium contractum a detruso in carcere, qui carceri prae- ferret matrimonium, dummodo detrusus non fuisset causa matrimonii ineundi.

III. Hoc enim in casu involuntarium quod in dicto ma- trimonio invenitur, occasionem habet a propria nequitia, non a causa extrinseca; quia damnatus ad carcerem sponte sua eligit hoc evadendi medium, per quem metus iam conceptus aufertur.

IV. Avunculum in themate videri non habuisse inten- tionem vim inferendi nepti, quamvis satageret ut desideratum matrimonium miretur ; ideoque septem praetulisse matrimo- nium angustiis vitae, quas improbitas vafrae feminae Va- lente dicteriis adauxit.