H A B A N E L N . 309

tum ex incidentibus secutis propter interpositam appellatio- nem a sac. Redondo ad tribunal Metropolitanum dum ex una parte istius humilitas et patientia scatet, ex parte Cu- riae habanensis odium et persecutio clare apparet.

Propius deinde Orator accedens ad causae meritum, ora- tionem in duas partes dispescit; in quarum prima contendit male a sacerdote Moreion appellatum fuisse a tribunali Me- tropolitano ad S. Sedem contra patulam dispositionem Brevis Gregoriani citati Exposcit debitum. Sane per hoc, introducto novo ordine iudiciorum sub poena nullitatis, in regionibus ultramarinis ditionis Hispanicae statuitur quod si prima sen- tentia Episcopi sit confirmata a Tribunali Metropolitano, vel si primum iudicatum Metropolitani sit firmatum a sen- tentia Episcopi vicinioris, ad quem appellandum est, hae sententiae habeant vim rei iudicatae ; si vero duae sententiae sint difformes, tunc appellatione facta ad Episcopum vici- niorem , hae sententiae eamdem vim iudicati nanciscentur quae sint conformes : in casu itaque, pergit patronus, sacerdos Moreion appellare debebat vel ad alium Metropolitam aut alium Episcopum viciniorem provinciae : quod cum non per- egerit, eius appellatio, utpote contra citatum Breve, nulli- tatis vitio laborat.

Quin aliquid in contrarium facessat quod sacerdos Mo- reion in sua appellatione ad S. Sedem declaraverit se in via subsidiaria etiam invocare tribunal Episcopale de Portorico quia appellatio iuxta vulgata iuris principia debet esse pura, simplex et absque conditione.

Neque pariter valeret obiici, prosequitur patronus, quod citatum Breve hodiernis temporibus amplius vim suam non explicet : recens est enim causa agitata apud S. Congrega- tionem Concilii Hispaniarum et insulae Cubanae - Iuris- dictionis - (1) : patronus speciem refert quae ita summatur. Quidam sacerdos Salvadores appellaverat ad Rotam Matri- tensem contra sententiam Vicarii Generalis S. Cristofori de

(1) Haec causa per totum relata fuit in Vol. 24 pag. Ö77 et seqq.