314. De sancto Oswaltlo.

la. Hac praeclara die festi
Plaudat omnis plebs coelesti
Fruens desiderio,

1b. Almo regi regum vota
Persolvendo mente tota
Laudes cum tripudio.

2 a. Imperator triumphalis,
Cui nullus est aequalis,
Coeli sedens solio,

2 b. Nos ut salvet a malignis,
Reges dedit, ut benignis
Pia sit protectio.

3 a. Regit orbem rex coelorum
Regum sceptro terrenorum
Mundi maleficio,

3 b. Inter quos regnando fidus
Rex Oswaldus velut sidus
Vitae nitet radio.

4 a. Cujus larga dextra laeta
Dedit datque sine meta
Opes cum suffragio ;

4b. Ille stans In fide Christi
Dissolutus carne tristi
Coronatur gaudio.

5 a. Salvet nos hic sua prece,
Ut ab omni culpae faece
Mundemur et vitio,

5 b. Ut post hujus finem vitae
Nobis dicat rex: Venite,
Salvans a supplicio.