316. De sancto Pancratio.

la. Ad honorem summi Dei,
Fundamentum nostrae spei,
Jubilemus pariter,

1b. Qui charisma propinavit
Suis caris et donavit
Amorem hilariter.

2 a. Huic puer dum obedit
Pancratius et accedit
Ad baptismi gratiam,

2 b. Diocletianus laedi

Jubet et plumbatis caedi
Hunc ob ejus gloriam.

3 a. Tortor arcens Illi datur,
Horror valens hinc sequatur,
Ut credat daemoniis,

3 b. Mox a Christo consolatur
Et In fide confortatur
Puer puras juvenis.

4a. Puer vinclis mancipatus,
Tribunali praesentatus,
Se commendat Domino,

4b. Judex furens decollari
Jubet hunc et feris dari
Pro Mariae filio.

5 a. Tortor sacrum caput scidi
Promptus exstat, ut elidi
Vis vitalis valeat,

5 b. Triumphavit hic In mundo,
Ut coelorum adeundo
Sanctitatem saliat.

6 a. Angelorum consors astat,
Rex coelorum suum praestat
Solamen et manifestat
Ipsius miracula,

6 b. Electorum merces datur
Et a Christo coronatur
Sanctus, Inde ut tollatur
Ad aeterna gaudia.

7 a. Salve martyr, o Pancrati,
Te laudamus non tenaci
Laude tantum sed veraci
Veneranda gloria;

7b. Et aeterno Deo patri

Nos commenda atque matri
Christi, ne nos os barathri
Voret cum miseria.