317. De sancto Paulo.

la. Ave, sidus venerandum,
Sancte Paule, te laudandum
Surgat orbis concio.

1b. Te condigne celebrandum,
Tibi summe decantandum
Mens est et devotio.

2 a. Urbs superma jucundetur,
Mundus totus Illustretur
Novis cerimoniis,

2b. Noster cborus collaetetur,
Sancto Paulo gratuletur
Altis In praeconiis.

3 a. Paulus vas praedestinatum,
Tas a Jesu nuncupatum,
Jesu plenum penitus,

3 b. Vas a Jesu confirmatum,
Dona fundens charismatum
Terrae vivens coelitus.

4a. O (raam mira dona Dei:
Firmamentum nostrue spei,
Donum et vocatio,

4b. Incrementum hoc fidei,
Purgamentum cordis rei,
Dei miseratio.

5 a. En adoro, ut prostratus
Saulus jacet, ut sublatus
Spiritu In patria

5 b. Paulus videt, arbitratus

Quae est nemo, hic purgatus
Coeli lustret atria.

6 a. Hic quod vidit et gustavit,
Hoc de coelo propinavit
Sanctum evangelium,

6 b. Verbo gentes Illustravit
Judaeisque praedicavit
Jesum, Dei filium.

7 a. Fame, siti contabescit,
Plus labore exardescit
Omnibus discipulis,

7 b. Multis terris peragratis,
Verbis signis confirmatis,
Fide data populis.

8 a. Romam venit consumraandus,
Passione laureandus,
Sic currens ad stadium;

8 b. Lac propinat caput caesum,
Lingua clamat Jesum, Jesum,
Jesus Pauli bravium.

9 a. Tu qui summis es in thronis
Duodenis, passionis
Tuae jugi memoria

9 b. Consolatos nos dignare,

Sancte Paule, collocare

In sanctorum gloria.