318. In Commemoratione s. Pauli.

la. Omnes gentes plaudite,
Melos dulces canite
Paulo triumphante,

1b. Redit jam cum gloria
Transacta miseria
Coelo applaudente.

2 a. Pape, quam mirificum
Dum sic apostolicum
Culmen exaltatur,

2 b. Paulus dignus hodie
Inter claros gloriae
Cives elevatur.

3 a. Intrat hoc palatium,
Contemplatur Dominum,
Excitat ad jubilum
Inspectores Dei:

3b. Stant clamantes vocibus,
Plaudentes concentibus,
Prosequentes laudibus
Tutorem fidei.

4 a. Dum sic Paulus sublimatur,
Tunc Plautillae simul datur
Visio et pallium,

4b. Quem peremit cum furore,
Nero vivum cum stupore
Jam contemplatur Paulum,

5 a. Transit Paulus ex hac luce,
Vivens Christo victa nece
Magno cum tripudio,

5 b. O magnum Pauli meritum,
Omni laude dignissimum,
Recolendum gaudio.

6 a. Hic est mitis atque fortis
Victor mortis

Dei pollens gratia,

6 b. Qui labores et sudores
Ac dolores

Pertulit pro gloria.

7 a. Advocat Jesus Paulum

Ad supernum solium,

Quia tam contrarios

Victos vel spontaneos

Stravit Inimicos.

7 b. Sedit In altissimis
Simul cum apostolis,
Gaudens ex praecordiis,
Contemplans ex Intimis.
Omnes coeli choros.

8 a. Paule, doctor veritatis,
Veni cum dulcedine
Et In regnum claritatis
Duc tuo precamine.

8 b. Mane nobis tunc auditam
Fac dei clementiam,
Ad aeternam perduc vitam
Per divinam gratiam.