319. In Conversione s. Pauli.

la. Sator rerum
Sub dierum

Mundo natus clausula,

1b. Roriflua
Melliplua

Ortus ex virguncula.

2 a. Lustra nactus ter gemina
Aeterna mundo semina
Seminare exiens,

2 b. In animosos humiles,
In fortes legit debiles
Facto verbo muniens.

3 a. Ergo ubi moritur,
Vitae coelo redditur,
Spiritus emittitur

Dei promens magnalia,

3 b. Obvii lapidibus,

Ferro, flammis, crucibus,
Horis mundi omnibus
Christi clangunt praeconia.

4 a. Juda In galaxia,
Pice septus Stygia,
In luce lucis nescius,

4b. Imbuit cor odio,
Manus armat gladio
Pro lege legi obvius.

5 a. Quorum tranat praecordia,
Vatum haerens ad labia
Vatum furit In filios ;

5b. Saulo committit gladium,
Deo gerat obsequium,
Pacis trucidet nuntios.

6 a. O altam Dei gratiam,
Qua lupi contumaciam
Agni mutat humilitas:

6b. Saulum sternit correptio,
Paulum levat electio
Visaque firmat deitas.

7 a. Hic, hic erat rhinoceros,

Qui furens ultra caeteros

In altum cornu extulit

7 b. Cui virgo ecclesia
Exuta jam saevitia
Sinum quietis obtulit.

8a. Hic haec aqua fuerat,
Quae gelu torpuerat
Boreo stricta fremitu,

8 b. Quae milleno fluvio
Fluit finis nescio
Dei liquata spiritu.

9 a. Hic vir, hic est, quem nuditas,
Fames, aestus, algiditas
Christo probarunt vivere ;

9 b. Quem maria, quem vincula,
Quem flagra, quem ergastula
Nequierunt reprimere.

10 a. Hic mundi per quadrivium
Christi spargens praeconium,
Evellens Idolatriam,

10 b. Neronis sub Imperio

Tandem triumphans gladio
Natalem scandit patriam.

11a. Tanti patris praeswitiae
Prosodiam laetitiae
Vox renovet ecclesiae
Terso omni nubilo,

11b. Ut stricto In examine
Ejus fulti juvamine
Requiei interminae
Perfruamur jubilo.