320. In Conversione s. Pauli.

la. Salvatoris manus fortis,
Quae de tenebrarum portis
Lumen dat splendescere,

1b. Hoc In die vas squaloris
In vas templi et bouoris
Nacta est convertere.

2 a. Manu hac obstetricante,
Coluber qui fuit ante,
Fremens jam educitur,

2b. Currit Joseph velut ovis,

Lupus rapax modis novis

Pastum vitae sequitur.

3 a. Ex Aegypto vocat prolem,
Nube tectum nudat solem
Sol aeterni luminis;

3b. Sic columba milvum ferit,
Caesus credit, credens quaerit
Voluntatem numinis.

4 a. Syrus mundus fit lotura,
Squammae cadunt, fellis cura
Dum Thobias ungitur ;

4b. Saul sedet eum prophetis
Et tyrannus cum athletis,
Dum Saulus convertitur.

5 a. Laudes ergo decantemus,
Qui salutis spem habemus
Per exemplar gratiae,

5 b. Ut per ejus Interventum
Angelorum ad concentum
Nos ducat rex gloriae.