321. In Conversione s. Pauli.

la. Laetabundus decantet
Devotus coetus
Voce pia,

1b. Rex Christus mirifice
Convertit Paulum,
Res stupenda.

2 a. Persecutor Domini
Perlustratus fulmine
Prosternitur,

2b. Privatasque lumine
A divino numine
Corripitur.

3 a. Cur, ait, persequeris
Jesum, natum virginis
Mente fera ?

3 b. Quid me jubes facere,
Asserit tunc libere
Voce clara.

4 a. Ad baptismum mittitur,
Ex lupo efficitur
Agnus mitis;

4b. Annanias quaeritur
Et fide Instruitur
Vir Insignis.

5 a. Trina die rapitur
Et In coelum ducitur
Ac In Deum trahitur
Toto corde;

5 b. Quae sensus non percipit
Sed nec lingua exprimit,
Illic miranda audit
Cum stupore.

6 a. Felix apostole,
Paule, vir inclite,
Nobis succurre
apud Deum,

6 b. Ut tecum felices
Simus et consortes
Cum coelestibus
in aeternum.