322. In Conversione s. Pauli.

1. Laudes Christo

2a. Canamus colendo
Pauli solemnia,

2b. Quem Dominus tanta
ditavit gratia,

3 a. Ut doctor gentium

ab omni vocetur ecclesia,

3 b. Agnus de lupo, de
persecutore evangelista.

4 a. Mutata sunt opera,
mutantur et nomina,
Paulus nominatur,
qui Saulus ante dictus
fuerat.

4b. Instigatus furia

dirum virus efflabat,
strage dirissima
membra Christi saeviens
vexarat.

5 a. Lux aetherea
quem circum-
fulgens visu privat,

5 b. Spiritualem
Sed ei
intuitum donat.

6 a. Minantem saevas
fidelibus poenas

6 b. Sternit eum sed
ruentem elevat.

7 a. Dejectum increpat,
increpans emendat,
fidei,
doctrinae commendat,

Defensorem ecclesiae
ordinat.

7 b. Panduntur illi divina
secreta,

Audit quoque verba
in coelo mystica,
homini
ineffabilia.

8 a. Quem prius

Synagoga educaverat,

8 b. Postmodum

laetatur mater ecclesia.

9 a. Mysteria,
quae noverat,
per totum Iens orbem
praedicat,

Venit Romam verum
Deum annuntians.

9 b. Nero resistit, qui
colebat Idola,

Ense diro

illum necat,

mundo exemptum mittit

ad astra.

10 a. Quo nos Deus miserando
perducat

10b. Adjutos prece Pauli

sancti. Amen.