324. De s. Petro Coelestino.

la. Petri vita laudabilis,
Sanctitate mirabilis,
Fulget In ecclesia

1b. His laudibus et jubilis
Colitur Increabilis
Lux diffusa gratia.

2 a. Petrus In petra nascitur
Petrus a petra dicitur
Christo, a quo electus ;

2 b. Petrus ex petra trahitur,
Vi gratiae contunditur
Et redditur perfectus.

3 a. Petra Petrum digne texit
Qui papatum digne rexit
Justus In tantis thronis ;

3 b. Petra Christus hunc erexit,
Dignissime hunc evexit
Gradu perfectionis.

4 a. Petrus hic constans et fortis
Usque ad exitum mortis
Non recusans laborem.

4b. Duris poenis et retortis
Et laboribus exortis

Jungens cordis ardorem.

5 a. Jugis gravis inedia,
Continua jejunia
Admiranda rigoris,

5 b. Vestis dura molestia
Et humilitas nimia

Materiam dant stuporis.

6 a. In papatu semper Idem

Sanctus, dignus post et pridem,
Quintus hic Coelestinus ;

6 b. Ipse Coelestinus quidem
Diu non rexit Ibidem,
Coeli hic Inquilinus.

7 a. Si diligenter videris
Miracula, miraberis
Horum excellentiam.

7 b. Ora pro nobis miseris,
Petre, petram cum superis
Nos trahi ad gloriam.