327. In s. Petri ad vincula.

la. Pollet alma
haec dies
cosmi per climata

1b. Petri boans
praeclua
magni solemnia.

2 a. Quem carceris captum
trusit ima
Herodis dura saevitia

2 b. Et calibe nexum
tradit arta
nefandorum sub custodia.

3 a. Ast nocte Intempesta
sede fulgens ab aetherea

3 b. Ceu lampas vibrans adstat
angelus luce siderea.

4a. Affatur Petrum Ita:
cito propera
te praecingens
caligis coapta ;
tunc cadunt vincula,
claustrea rutilant abdita.

4b. Nec mora, Petrus alta
credens monita,
terga ducis
prosequens praevia,
exemptus a dira
saevi regis est custodia.

5 a. Tunc Petrus ovans jubilat,
Christo referens odas
ac creatori praemaximas.

5 b. Cohors et apostolica
applaudebat per tanta
rehibita sibi gaudia.

6 a. Ac nos

pangamus laudum carmina
in hac die Christo celebria,

cum revisit pastor ovilia
per Christum redempta
ejus nutu sibi tradita.

6 b. Te nunc,

princeps alme, voce clara
deposcimus, nos clemens pro-
tegas,
commoda cuncta libens tribuas,
noxia prop elias
et aeterna dona conferas.

7 a. Ac potestate

tibi coelitus attributa

7 b. Nostrorum solve

potenter nexorum vincula

8. Conferens nobis gaudia
sempiterna.