330. De sancta Pusinna.

la. Sponsa Christi, o Pusinna,
Jugi laude semper digna.
Regi regum nos assigna
Precum beneficio:

1b. Ne maligni vis maligna
Nos conturbet, o benigna,
Nos tuere, nos consigna
Sacro patrocinio.

2 a. Pia mater et patrona,
Pia prece fias prona,
Ut rex, virginum corona,
Nobis sit propitius.

2 b. Jesu bone, Jesu pie,
Tibi sonent melodiae,
Quas In hac solemni die
Canimus solemnius.

3 a. Sit vox laeta, mens devota,
Utriusque sexus tota
Fiant tibi, Christe, nota
Virginis per merita.

3 b. Audi congregationem
Et da consolationem,
Ut per gratulationem
Inclinemus capita.