331. De sancto Quirino.

la. Laus jucunda Christo detur
Et Quirinus commendetur
Cum Balbina filia,

1b. Cujus strumam dum curavit,
Alexander declaravit
Christi mirabilia.

2 a. Per quod signum baptizantur
Et In fide roborantur
Paganorum milia,

2 b. Pater gaudens lacrimatui
Et a papa baptizatur
Una cum familia.

3 a. Quem princeps Aurelianus
Trucidavit, vir Insanus,
Promptus ad flagitia;

3 b. Lingua, manus, pedes ei
Amputantur, equlei
Patitur supplicia.

4 a. Post tormenta decollatur
Et a Christo declaratur
Martyris potentia,

4b. Aegris opem dat coelestem
Dum fistulae fugat pestem
Et cuncta nocentia.

5 a. Te precetur martyr Iste,
Per quem tanta facis, Christe,
Patenter miracula,

5 b. Ut felici secum vita
Fruamur per Infinita
Saeculorum saecula.