332. De sancto Quirino.

la. Concordi jubilo cordis
et oris

iubilemus Domino,
ejus et athletae
Quirino.

1b. Romanorum qui stemmate
regio

procreatus unice
pietatis floret
germine.

2 a. O vitis verae palmitem,
spiritus septiformis
plenum gratia,
delectabili germine,
caritatis
fructu floridum.

2 b. O regis summi militem,
stigmatum passionis
Christi bajulum,
innocentia candidum,
rubicundum,
fructu floridum.

3 a. Dum mundi principe
contrito ab Hai
civitate est adeptus
trophaeum,
exaltavit clipeum
verus Josue.

3 b. Hinc armis fidei
munitus vere
pretiosus agonista
Quirinus

Salomonis lectulum
ambit floridum.

4 a. Caesaris ambidexter
fasces contemnit
nec minis

aut blandimentis victus
inimicum fidei,
tyrannum
contrivit Claudium.

4b. Denique jugulatus
noctu supernae
potitur

liaereditate lucis,
haeres quidem Domini,
cohaeres
aeterni filii.

5 a. Israel adjuratus

transtulit secum ossa

salvatoris typici

patrociniis

ejus volens perfrui.

5b. Principes Noricorum
celebrem hunc athletam
Roma digne transferunt,
pium Norico
quem patronum conferunt.

6 a. Ejus isthinc tumulus
signis variis
floret et miraculis,
nam omnis
ibi languor pellitur.

6 b. Caeci, muti, debiles,
energumeni,
surdi, paralytici,
leprosi Inde sani redeunt.

7 a. Laus ergo celebris
pro tanti gloria
martyris nunc personet
ab ore
universi populi.

7 b. Laus Christo debita,
qui sui martyris
merita magnifice
declarans
aegris mire subvenit.

8. Laus trinitati perenni
sit In aeternum.