330 URGELLEN.

« 1° Utrum teneatur parochus de Tirvia celebrare mis- sam quotidianam cum reductione eleemosynae; vel potius reducere numerum missarum celebrandarum cum eleemosyna duarum libellarum.

« 2° Quid faciendum in posterum, si a Gubernio vel alia de causa detrimentum patiatur redditus annuus praedictarum obligationum societatis ferro-viariae vel aliorum titulorum aequipollentium (valores publicos) ».

D i s c e p t a t i o S y n o p t i c a

In primis patet, quaestionem huc reduci, scilicet an hae- redes teneantur ad supplendos redditus ; vel potius ob redi- tuum imminutionem, proportionaliter missarum numerus re- ducendus sit.

Iamvero executores testamentarii, uti refert parochus, negant se teneri ad augendum capitale. Huic instantiae suf- fragatur aperte, Conc. Trid. in Sess. 25 cap. 4 de ref., ubi decernit pro rata diminutorum redituum numerum missarum reducendum esse. Proinde S. C C . quoties sine culpa hae- redum reditus minuantur ad piae voluntatis adimplementum relicti, solet etiam onera reducere, siquidem onera fructibus respondere debent; ita in Vallisoletana 22 Maii 1784, § Quam- vis, in Nullius S. Martini 24 Augusti 1822, § Iamvero, in Tudertina Reductionis onerum 27 Ian. 1827, et docet Fagnan. in cap. Ex parte n. 2 De constit. Atque hanc qui- dem missarum redigendarum causam iustam agnoscit Be- ned. XIV De Syn. Dioec. lib. 13, cap. uti., n. 28, inquiens: « Causas ob quas fas est reductionem aggredi, plerumque, imo fortasse semper suppeditat decrementum redituum, qui fuerant pro onerum implemento assignati ».

Contra tamen reductioni grave quidem iuris momentum obstare videtur, non solum quod testatorum voluntas pro lege habenda sit, et tunc praesertim cum animarum expia- tionem respiciat, Concil. Trid. Sess. 22 cap. 6 de ref. et S. C. C. in Romana Commut. volunt. 14 Iunii 1866, sed praecipue quia compertum est in casu, legatum eam natu-