335. De sancto Sebastiano.

la. Athleta Sebastianus,
Accola Mediolanus,
Vir christianissimus,

1b. Justus judex, consul gnarus,
Fide verax, ut sol clarus
Honestate moribus.

2 a. Sedule hic ministravit,

Sub chlamyde animavit

Vacillantes martyres.

2 b. Ne paternos canos cernant,
Ut maternas mammas spernant,
Blandientes conjuges.

3 a. Miles sanctus praedicavit,

Fauces Zoe reformavit

Assistente angelo,

3 b. Nicostratum fide stravit,
Tarquilinum baptizavit
Admirante populo.

4 a. Confringens mathesim
sanat Chromatium,
Non timens clibanum
vertit Tiburtium.

4 b. His millenarium
tetracentenarium
Jungit miraculum
Christum credentium.

5 a. Stolam quaerit supernorum,
Aulam linquit Imperatorum,
Balistis subigitur:

5 b. Stolam pellit terrenorum,
Instar pellis hericiorum
Sagittis transfigitur.

6 a. Qui his aculeis
Subvenis Italis,
Piis suffragiis
Adsis vernaculis,
Martyr egregie.

6 b. Praesis obsequiis,
Prosis remediis,
Obsis Insidiis,
Ne his sit famulis
Mors epidemiae.

7 a. Sic constrictus,
Sic afflictus,
Scissus, fissus
Ut amictus,

Quasi flos emarcuit.

7 b. Sic relictus
Sed Invictus
Ad conflictus,
Ne sit fictus,
Principes redarguit.

8 a. Admirantes
Indignantur,
Sagittantes
Increpantur,

Timorem Incutiunt.

8b. Fustigantes
Incitantur,
Verberantes
Cruciantur,

Spiritum excutiunt.

9 a. Sed dum corpus honorari
Timent, volunt occultari,
Sed ut possint, aduncari,
Latrinae Immittitur.

9 b. Ut cum tempus revelari
Adsit, possit tumulari,
Quo possimus adjuvari,
Lucinae committitur.

10 a. Indagator divinorum,

Propagator praeceptorum,
Uti liber salvandorum
Nomen tuum, sic tuorum
Adscripta retineat.

10 b. Reformator Infirmorum,
Conservator sis sanorum,
Frui pace da coeloruni
Gregem Istum, Infernorum
Tormenta ne timeat.