336. De sancto Sebastiano.

la. Diem agat celebrum

Pretiosum martyrem

Recolens ecclesia,

1b. Consortem arcbangeli,
Parem habent angeli,
Civem coeli curia.

2 a. Pulvis pigmentarius
Et odor suavissimus,
Hostia pacifica,

2 b. Ad dextram In candelabro
Scyphus est cum calamo,
Lilium cum sphaerula.

3 a. Gradatim provehitur,
Ad mensam statuitur,
Propositionis,

3 b. Praeinstructus laticem
De Marah calicem
Bibens passionis.

4 a. Gladius carnificis
Terret interasilis,
Allicit corona,

4 b. Et Marco perennia,
Marcellino paria
Pollicetur dona.

5 a. Quos spe vitae decertantes,

Sed timore fluctuantes

Tot Inter pericula

5 b. Monet, ne deficiant,
Siquidem recipiant
A Domino duplicia.

6 a. Zoe uxor Nicostrati

Cum eis, qui sunt plantati
In electa vinea,

6 b. Fide plena, spe firmata,
Sanitati restaurata
Vocis solvit organa.

7 a. Sic excurso stadio
Sebastianus bravio
Potitur certaminum,

7 b. Telis expositus,
Consumatus fustibus
Coelo reddit spiritum.

8. Hujus Intercessio

Nos commendet Domino
Nunc et In perpetuum.