332 PARISIEN.

ciali loci Charenton, dioecesis parisiensis, intra cuius limites sponsus eo temporis commorabatur.

Attamen infausto sidere huiusmodi connubium concilia- tum fuisse subsequens monstravit eventus. Vir enim, si mulierem audiamus, cum aere alieno esset oppressus, prae- ter sat pinguem promissam sponsae dotem, nihil aliud appe- tebat. Quidquid sit, hoc certum, quod iam a prima contu- bernii die, discordia, contentiones, iurgia inter neo-coniuges ac parentes irrepserunt ; eoque progressa sunt, ut post octo dies cohabitatio interrupta fuerit ac vir lares paternos repe- tierit.

Uterque autem coniux sub iuramenti sanctitate matrimo- nium haud consummatum fuisse contendit, licet, ait Aemilius, ter frustra ob indebitam sponsae physicam constitutionem rei uxoriae operam dederit, quod tamen cum Rachelis attestatio- nibus pugnat, affirmantis virum maritalia obsequia praestare semper renuisse.

Adivit deinde mulier civile tribunal ac primum senten- tiam separationis, postea vero die 13 Aprilis 1892 etiam divortium impetravit.

D i s c e p t a t i o S y n o p t i c a .

VOTUM CANONISTAE. Anno 1894, mense Augusti, die ve- ro 5, in paroecia vulgo Charenton, diócesis parisiensis, matrimonium contraxerunt, per verba de praesenti, Rachel Solange Olaireville et Abel Gaucher ; at, infesto numine factum est, ut ab ipsa prima matrimonii die, talia incoepe- rint inter coniuges iurgia et contentiones, ut vita commu- nis evaserit omnino impossibilis. Quapropter una tantum a matrimonio transacta hebdomada, vir fuit e mulieris tecto expulsus, non amplius cum ipsa permansurus.

Aegre id tulit vir, qui pluries coniugalem domum repe- tere satagens, saltem ut mulierem alloqueretur, toties se reiectum vidit contumeliis, verbisque minacibus. Res eo usque pervenerunt, ut vir tandem furore correptus, paratis in iti- nere insidiis mulierem obviam venientem, non amplius ver-