340. De sancto Stairislao.

la. Psallat poli hierarchia
Nova meli harmonia
Festa promens Inclita,

1b. Recta nostri symphonia
Chori pangat eximia
Stanislai merita.

2 a. Amplexatur studia
Puer literaria,
Nobili ex genere

2b. Natus, hinc Insignia
Nactus praesularia
Multo claret opere.

3 a. Decens cultor sacrae legis,
Fortis gregi datur aegis
Praefulgens virtutibus,

3 b. Oves cujus artat gregis
Boleslai furor regis
Ruptis thori legibus.

4 a. Tortor uberibus
Matrum ferocibus
Annexis catulis

4 b. Afferat artibus
Necem Insontibus
Intentam parvulis.

5 a. A sancto trux corrigitur
Patre ex hoc flagitio,
Verbum verbo conseritur,
Abjicitur correctio.

5b. Diro gregis plus uritur
Pastor justi excidio,
Per quem rebellis plectitur
Spirituali gladio.

6 a. Ad hanc frendens saevius
Tortor fervet odio,
Sanctum sternit acrius
Matris sacrae gremio.

6 b. Membratim praesul pius
Fuit caesus Impio,
Pastor sic egregius
Gregis cadit medio.

7 a. Partitus spargitur
Feris et avibus
Sed non contingitur
Ullis a morsibus
Protectus aquilis.

7 b. Igneis cingitur
Poli lampadibus,
Multis fidelibus
Integer cernitur
Martyr mirabilis.

8 a. Omni parte Integratur

Corpus, tumba dum locatur,
Verna Christi hic Insignis
Petit dignis pollens signis
Jugis regis regia.

8 b. Dos salutis multa datur,
Aeger quisquis reparatur,
Hunc ad usum Instituti
Caeci, claudi, surdi, muti
Illustrant Cracoviam.

9 a. O felix Cracovia,
Cujus late gloria

Splendoris, quam Incliti

9 b. Nites per Insignia
Signis natalitia

Nati sacris praediti.

10 a. Athletarum fulgentibus
Felicium cohortibus,
Quo regnat sine macula,
Agni nitet vernula.

10 b. Tuis pastor precatibus
Felices cum felicibus
Pace fruamur sedula
In saeculorum saecula.