342. De sancto Stanislao.

la. Omnis odas nunc melodas
Pangat cum Alleluja,

1b. Omni laude digna, plaude,
Civitas Cracovia,

2 a. Ponens planctum, quia sanctum
Meruisti gignere

2 b. Et nutrire, quem dux irae
Morti fecit tradere,

3 a. Fraudulentus, truculentus
Boleslaus carnifex,

3 b. Qui In caelis jam, fidelis
Stanislaus pontifex.

4 a. Nunc Insultat et exultat
Cum sanctis perenniter,

4b. Celebremus ut debemus
Digne ac solemniter.

5 a. Cujus vota modo tota
Suscepit ecclesia,
In Europa fiant nota
Africa et Asia.

5 b. Propter sua mare totum
Plaudat natalitia,
Vexit sanctum quod ad polum
Cum sua victoria.

6 a. Ergo, praesul gloriose,

Tu pro nobis supplica,

6 b. Stanislae pretiose,

Hunc, qui est spes unica.

7 a. Ut cor praestet nobis mite
Nostra laxans debita

7 b. Et ad regnum ducat vitae
Propter tua merita.