345. De sancto Stephano.

la. Stephani victoria
Communi concordia
Collaudemus Dominum.

1b. Qui natus de virgine
Sine viri semine

Pro salute hominum,

2 a. Coronavit hodie
Stephanum In acie
Certantem Judaica.

2 b. Qui ductus consilio
Missus est In medio,
Facie angelica.

3 a. Coelos, Inquit, video
Apertos et cum Deo
Stantem Dei filium.

3 b. Dono sancti spiritus
Turba victa penitus
Furit Infidelium.

4 a. Armata lapidibus

Sanctum quassat Ictibus,
Orat flexis genibus:

4 b. Domine, ne statuas
Nec malum restituas
Ignaris sceleribus.

5 a. Mos spiritum tradidit
Et Domino reddidit
Primus martyr omnium.

5 b. Cujus prece poscimus,
Ut habere possimus
Sanctorum consortium.