346. In Inventione s. Stephani.

la. Exsultemus

Pari voto melodiam
Concordantes,

1b. Regi regum

In martyre laudem dignam
Celebrantes.

2 a. Martyris Insignia
Stephani solemnia
Plebs Intendit,

2b. Plenus Dei gratia
Signa et prodigia
Qui ostendit.

3 a. Martyrum primitiae
Dedicantur hodie
In Levita,

3 b. Cujus festa gratiae
Mandantur memoriae
Recensita.

4 a. Hic ad montem Domini
Viam parans homini
Celsiorem,

4 b. Non pepercit sanguini,
Levitarum nomini
Dans honorem.

5 a. Hic pro lapidantibus,
Deum Ignorantibus,
Orat flexis genibus
Humi stratus.

5 b. Paulus ejus precibus,
Unus ex nocentibus,
Fit jam ex credentibus
Renovatus.

6 a. Ergo martyr Dei,
Tutela fidei,
Fac nos assequi
portum spei;

6 b. Nos, qui sumus rei,
Jubilemus ei,
Qui dat gaudia
requiei.