348. De sancto Thoma.

la. Gaude, mater ecclesia,
Psalle Christo praeconia
Pro donis magnificis,

1b. Adsunt Thomae solemnia
Et veneranda gaudia,
Christum lauda canticis.

2 a. Coelestis excepit curia
Spiritum cum laetitia
Sancti Thomae apostoli,

2b. Idcirco pro tanta gloria
Haec dies plena gratia
Digne debet recoli.

3 a. Sanctus Thomas de tenebris
Ac vitiorum laetebris

Ad Christum multos duxit,

3 b. Quos divina clementia
Supernae lucis gratia
Clementer Illuxit.

4a. Propter Christum compedite
A reprobis et caeditur
Et In flammas mittitur;

4b. Sed ab Igne egreditur
Illaesus, sic ostenditur
Divina potentia.

5 a. Cum autem signis claruit
Multis, ad Christum meruit
Migrare cum gloria;

5 b. Nam lanceis occiditur,

Sed merces Christus redditur,
Quo sine fine fruitur.

6 a. Salve, pastor gregis Christi,
Qui virtutibus claruisti
Multis et miraculis,

6b. Nobis te collaudantibus,
Apud Christum precantibus,
Succurre tuis famulis.