PARISIEN. 347

e parentum domo subducere proposuit, quando actum est de angue latente, scilicet de dote mulieris, deque cuiusdam do- mus venditione, ut vir posset alienum aes dissolvere. Et si non satis, verba faciant hinc dubium de honestate viri, inde rumor de impotentia mulieris, et factum hinc assertum, inde negatum, intromissae in convivium meretricis, suspicio de clandestinis relationibus, mutuae criminationes, gravia con- vicia, minatio singularis certaminis, viri eiectio e domo cum contumeliis, cum irrisionibus, cum minacibus verbis : nonne haec omnia probant sponsorum animos ita aversos fuisse, ut maritalis amplexus evaderet impossibilis ? Ibi certe, non adfuit matrimonii consummatio, ubi animorum aversio cum ipso matrimonio incoepit, ubi dissensiones magis creve- runt in dies, ubi matrimonium contractum fuisse constat amore pecuniae (1), ubi ipse aggressus fuit honor mulieris, ubi iurgia et contentiones eo usque pervenerunt, ut, paucos tantum post dies, vir ipse e domo eiiceretur : atqui haec omnia evenisse constat in casu, de quo agimus, et quidem partibus iuramento asserentibus matrimonium haud fuisse consummatum, testibus pro partium veracitate fidem facien- tibus, et peritis medicis signa virginitatis in muliere reco- gnoscentibus : ergo nulli dubium quod matrimonium, de quo in themate, uti non consummatum sit ab omnibus reti- nendum.

Post haec, utrum adsint causae ad dispensandum gra- vissimae, demonstratione non indiget. Animorum aversio in propatulo est. Reconciliationem esse impossibilem, uno ore testes fatentur. Sponsorum animam in periculum adduci, ex ipso pronuntiato divortio clarescit. Cum enim civili lege nequeant amplius inter se matrimonio coniungi, vel co- gendi forent ad perpetuam continentiam, quae in iuvenibus difficilis apparet, vel periculo exponendi essent aut turpis

(1) Ne videar id gratis asserere, verba afferam dominae Blum, quae ait: « L'un de ces jeunes gens a raconté.... comme le tenant de Mr. Gaucher, qu'il avait pris cette femme pour son argent ». Gui consonat dominus Paivre dicens : « De toutes les conversations entendues j 'a i conclu que Mr. Gaucher avait épousé sa femme non pas pour elle, mais pour son argent ».