353. De s. Thoma Cantuariensi.

la. Palmes fructum fert In vite,
Dum consummat Thomas mite
In Christo martyrium.

1b. Martyr latens declaratur,
Dum confessor laceratur
Inter manus hostium.

2a. Adolescens fere Saulus,
Praesul factus vere Paulus,
Commutavit studium;

2 b. Vetustatem declinavit,
Legem carnis expugnavit
Imitando spiritum.

3 a. Novus novis Insistebat,
Indefessus exercebat
Caritatis opera,

3 b. In honore praesulatus
Deo crevit vir beatus
Sanctitatis gratia.

4 a. Innocenter sed latenter
Informari regulari
Studuit custodia,

4b. Corpus domans vigilando,
Lectum lavit lacrimando
Orans cum fiducia.

5 a. Levi cibo, dura veste,

Gravi potu, raro teste

Pertulit supplicium ;

5b. Carnem diu sic mactavit,
Quae non tandem tolerant
In aperto gladium.

6 a. Gradu functus, tuta mente,
Mole litis Ingruente
Subiit exsilium,

6 b. Revocatus martyrio
Datur matris In gremio
Ecclesiae gaudium.

7 a. Fortis victor gloriosus,
Christi testis pretiosus
Coeli regnat Incola,

7 b. Cujus mundo mirifica

Per virtutum Insignia

Declarantur merita.

8 a., Sanctitatis flagrantia
Mundi replentur spatia,
Gaudet Cantuaria:

8 b. Martyr clemens et confessor
Pius nobis Intercessor
vitae poscat praemia,

9. Ut divina largitate
In aeterna claritate
Perfruamur gloria.