355. De sancto Udalrico.

la. Salve, sidus puritatis,
Mundae ros felicitatis,
Udalrice floriger,

1b. Vas Insigne sanctitatis,
O divinae civitatis,
Christi miles, armiger.

2 a. Nardus odorifera,
Cedrus salutifera,
Canonista Mariae,

2 b. Stella tu lucifera,
Dos morum dulcifera,
Cytharista sophiae.

3 a. Parmula constantiae,
Dulcor temporantiae,
Balsamus amoris:

3 b. Normula jnstitiae,
Rivulus prudentiae,
Libanus honoris.

4 a. Cunis Infans Indicans,
Te beatum demonstrans
Lactis abstinentia:

4b. Cibi vitae corporalis

Plus es tantus atque talis
Dei excellentia.

5 a. Felix eras hinc adultus,
Tibi semper Dei cultus
Adfait miraculis,

5 b. Coeli regnum elegisti
Et Illecebras sprevisti
Militantes maculis.

6 a. O magistra militaris,
Digno digna coronaris
Udalrice, Suevia,

6b. Tali flore perornans,
Tanta luce demonstrans
Evitare devia.

7 a. Urbs Insignis es, Augusta,
Infulari hac venusta
Dote pulchra filia ;

7b. Gratuleris laude digna,
Deo velut non privigna
Redde vota milia.

8 a. Gemma fulgens praesularis,

Rosa rubens salutaris,

Pastorale liium;

8b. Udalrice, hujus maris
Educ undis nos amaris
Dulce per auxilium.