352 PARISIEN.

Accessio unius ad alterum, utriusque concupiscentiam vio- lenter accendere debet, et eo uno in casu effectus in liberis pravus, in coniugatis honestus, desideratur, quando probari posset condormientes non contraxisse concupiscentiam, quae peccato deleto, ad agonem relicta est. Ex eorum itaque ne- gatione iuramento firmata, praesumptio copulae non dissi- patur, sed in suo robore permanet.

Non consummatio unice probari posset a physica inspe- ctione, quae revera facta est a peritis ; ipsa tamen nullam exhibet certitudinem, matrimonium mansisse tantummodo ratum. Medicorum depositionem scripto exhibitam, et a duo- bus etiam ore firmatam, attente considerandam esse putavi, et ex ea non illam haurire potui certitudinem, quae in re tanti momenti necessaria est, ut matrimonii non consum- matio iuridice declaretur. Unus Cancalon in sua depositione scripto tradita, omnia virginitatis signa in Rachele inve- nisse affirmat. Haec signa invenit in « étroitesse de la vulve, absence de caruncules cicatriciels, développement très peu prononcé des petites lèvres ». Parum aut nihil se attendere profitetur ad hymenem « souvent absent du reste, et par- fois illusoire, » cum tamen alii aliter dicant. Quidquid sit de ratione opinandi huius periti, videamus, an ex circum- stantiis, quas ille notat, et virginitatem Rachelis educit, quidpiam certi, quoad non consummationem coniugii haurire possimus. Atqui non ex arctitudine vulvae, aut carunculis cicatricem passis, quia ut advertit Zachias in hac materia facile princeps, operosum est cognoscere copulam a multo tempore patratam. « Licet enim in primo egressu facta fuerit violatio, et destructio panniculorum et caruncularum simul cohaerentium, et ipsorummet laterum uteri, tamen si dehinc a coitu abstinuerit mulier, adeo invicem temporis spatio de- nuo cohaerescunt, ipso quoque sanguine, qui in primo con- cubitu emanavit, mediante, ut maiorem interdum angustiam praeferant ». (Lib. IV tit. 1, q. VIII). Quod si parva labia parum evoluta invenit, nil mirum, cum copula non pluries, sed una aut altera vice habita sit.