358. De sancta Ursnla.

la. Ave, lux Insignis,
Quae ut Deo dignis
Coelites Insignis

Thalamos virginibus,

1b. Morte qua fideli
Flagrans Igne zeli
Scandit alta caeli
Ursula cum milibus.

2a. Haec vas egregium,
Gerens cor regium,
Fugit conjugium
Et viri contagia:

2 b. Quaerens auxilium
Undecim milium
Sibi similium
Exsulat per maria.

3 a. Castra summi regis
Virgo spe secura
Sequens cum collegis
Spernit peritura

3 b. Turmas pii gregis
Pia regens cura
Pensat, quae sunt legis,
Colit coeli jura.

4 a. Post maris gravia
Venit Coloniam,
Ductrice gratia

Tendens ad gloriam.

4 b. Audit per somnia

Coelestem nuntium
Spondentem gaudia
Sed post martyrium.

5 a. Mox Romam visitans
Sanctarum concio
Nil prorsus haesitans
Redit cum gaudio.

5 b. Decurso stadio

Vitae, quae praelerit,
Percussa gladio
Hunnorum Interit.

6 a. Jam nunc Invita
Cedens hac vita,
Icta sagitta

Coelum scandit Ursula;

6 b. Ergo beatae
Jam laureatae,
Nobis placate

Christum prece sedula.