359. De sancta Ursula.

la. Agnum sponsum virginum.
Regem regum Dominum,
Omnes adoremus,

1b. Virginum victorias
Et coelestes gratias
Laete decantemus.

2 a. Haec sunt milia undena,
Turba fortis et serena,

Pugnans cum victoria,

2b. Rosae, stellae, margaritae,
Rubent, micant, splendent,
vitae
Clara luminaria.

3 a. Cum candore virginali
Et cruore triumphali
Scandunt ad coelestia.

3 b. Quam beatae, quam formosae,
Quam sacratae, luminosae
Fulgent nunc In gloria.

4 a. Spreta felix Ursula
Mundi regni Infula
Et virili copula
In coelis laetatur,

4b. Serto nitet regio,
In coeli palatio
Sponso regis filio
Christo copulatur.

5 a. Legit virgines decoras,
Quas vocabat ad coronas,
Baptizatae tollunt moras,
Navigant Coloniam ;

5 b. Cadunt oves trucidatae,
Rubent rosae cruentatae,
Intrant sponsae sic gemmatae
In coelestem curiam.

6 a. Nos totalem fide fortem,
Virginalem hanc cohortem
Canamus praeconiis,

6 b. Ut coelorum corde mundi
Post hanc vitam laetabundi
Perfruamur gaudiis.