362. De sancto Victore.

la. O beata beatorum

Martyrum memoria,

1 b. Intra quorum splendet chorum
Victoris victoria.

2 a. Qui post mortem In consortem
Coelestis militiae

2 b. Est a Deo cum tropbaeo
Assumptus laetitiae.

3 a. Hic benigne Deo digne
Legioni praefuit,

3 b. Christi fidem doctus pridem
Servare ut decuit.

4 a. Reddens regi sua, legi
Dei quidquid debuit,

4b. Consodales esse tales
Vita, verbo docuit.

5 a. Qui dum sana fide vana
Idola despiciunt,
Poenas, mortes Christi fortes
Tirones suscipiunt.

5b. Christum ducem Christi crucem
Imitantes perferunt,
Se mactatos, caesos, stratos
Holocaustum offerunt.

6 a. Ergo Christi cohaeredes
Facti In coelestibus,

6 b. Regnant Isti, praesens aedes
Quorum servit laudibus.

7 a. Christi testis, Victor fortis,
Fac post transitoria

7 b. In coelestis nos cohortis
Exultare gloria.