363. In Translatione s. Victoris.

la. Psallat plebs et cleri ordo,
Psallat plectro decachordo
Cordis cum laetitia,

1b. Christo regi laus cantetur,
Christi militis laudetur.
Victoris victoria.

2 a. Ab externae regionis
Finibusque Pharaonis
Uber Dei gratia

2 b. Hunc patronum destinant,
Huncthesaurum commendavit
Nobis ad solatia.

3 a. Quem sacra cum legione
Christus benedictione
Praevenit dulcedinis,

3 b. Fide firma, spe sincera,
Firmans caritate vera
Turrim fortitudinis.

4 a. Hic virtute trina fultus
Summae trinitatis cultus
Inardescens studio

4b. Victor trinus hostem stravit:
Mundum sprevit, se negavit
Carnem necans vitio.

5 a. Bonum certamen certavit,
Cursum bene consummavit
In hoc vitae stadio:

5 b. Quem decorat laureatum,
Quem honorat hunc donatum
Christus vitae bravio.

6 a. Hic fert Moysis figuram,
Dum per passionem duram
Rubrum mare transiit:

6 b. Rubrum mare passionis
Ob terram promissionis
Israel dux subiit.

7 a. Hic fert Josue ducatum
Ducens agmen Deo gratum,
Bellatores strenuos;

7 b. Quos voto et vita pari
Gaudet sibi sociari
Constantes, Innocuos.

8 a. Hic Goliam superavit
Imitator veri David
In funda et lapide.

8 b. Lapis firma fides Dei,
Quo feritur Philistaei
Fons baccbantis rabide.

9 a. Iste tuus Maccabaeus,
Hic atletha pro te, Deus,
Laetum laete pertulit,

9 b. Dum profani jussu regis
Testamentum tuae legis
Corde, ore praetulit.

10 a. Bibens torrentem In via
In coelesti hierarchia
Caput exaltavit dia
Coronatum gloria.

10 b. Cujus colit nunc sacratum
Coimus sibi commendatum.
Nutu divino translatum,
Xantensis ecclesia.

11a. Victor sancte servos serva
Vires hostium enerva,
Fac ut haec sua caterva,
Tuta sorte a proterva,
Tuis vacet laudibus.

11b. Jesu, summi, patris nate,
Merito Victoris a te
Nobis detur, ut beate
Coram sacra majestate
Fruamur coelestibus.