365. De sancto Vincentio.

la. Christo canamus
diei
hujus pangendo gaudia,

1b. Martyris almi
colendo
Vincentii praeconia.

2 a. Ortus ab Hispania
nobilitatis conspicuae
linea

2b. Claruit scientia,

claruit et facundi oris
gratia,

3 a. Sacrae fidei

edocendo mysteria.

3 b. Quam Immania

tulit vitae dispendia!

4 a. Rimantur ungulae
costarum
eius Intima,

4b. Discerpunt viscera,
membrorum
solvunt vincula.

5 a. Scissa cutis,
fusus sanguis,
os elisum,
caro omnis lacera.

5 b. Sat fidei
peroratur,
convalescit
fortior ad singula.

6 a. Confutatur
Daciani
judicis perfidia,

6 b. Debachatur
efferatus
immani saevitia.

7 a. Raptum jubet

martyrem mox applicati
ad Incendia,

7 b. Crepitanti

sale consperguntur prunis
usta viscera.

8 a. Reportatur denuo martyr
ad lectorum mollia,

8b. Sed mox resoluta Illius
coelos petit anima.

9 a. Laus sit tibi, Deus,
martyrum tuorum
victoria,

9b. Cujus ope tanta
evicerunt et tot
luctamina.

10. Ave, martyr praedicande,
Nobis coeli gaudia
supplicando Impetra.