366. De sancto Vincentio.

la. Militans In gratia,
Jubilans In gloria,
O mater ecclesia,
Regi Christo

1b. Prolis In memoria
Nova laudum munia
Da fruens laetitia
Die Isto.

2 a. Sapiens hic filius
Scilicet Vincentius,
Suo excellentius
Laus sit patri.

2b. De quo tam eximius
Sursum et Inferius
Crescit abundantius
Honor matri.

3 a. Sancti Petri regula
Ab aetate parvula
Litteris praeambula
Hunc Instruxit,

3b. Sancti Sixti regula,
Sanctitatis formula,
Ad aeterna gaudia
Post perduxit.

4 a. Per hunc gaudet ethnicus,
Caecus et hydropicus,
Surdus, epilepticus
Et gibbosi.

4 b. Omnes sani gestiunt,
Daemon, vincla fugiunt
Et mundatos sentiunt
Se leprosi.

5 a. Hujus almi gratia,
Quorum praeter alia
Defunctorum corpora
Reviviscunt.

5 b. Sursum Christi munera
Fac, Vincenti, scandere,
Qui sub mortis pondere
Ingemiscunt.