367. De sancto Virgilio.

la. O Jerusalem superna,
Dies tua sempiterna
Luce fulget hodierna
Coelo demissa clarius;

1b. Qua sacrum adauxit chorum
In splendoribus sanctorum
Luce pari meritorum
Sacer praesul Virgilius.

2 a. Auro coeli gemma viva,
Novae lucis diffusiva.
Arte ac virtute diva
Superintexta promicat,

2b. Cujus fnlgur mox Inspectus
Salutis causat effectus
Contra morbos et defectus,
Si fides firma supplicat.

3 a. Vita clarus et politus,
Christo lapis Insignitus,
Quem gloriae capit situs
Gratiae magisterio,

3 b. Dum de mundo triumphavit,
Dum hostem sibi substravit,
Sese vincens adaptavit
Coelesti aedificio.

4 a. Consummatus ad perfectum
Vas gloriae, vas electum,
Lumen patens et erectum
Fulget In domo Domini,

4 b. Cujus pondus meritorum
In numero confessorum
Sentit opem praemiorum
Ejus devotus nomini.

5 a. Caecis lumen gratum redit,
Transit morbus nec jam laedit,
Vi coactus daemon cedit
Invocato Virgilio.

5 b. Fons gratiae et virtutis
Latc patet fide tutis
Cum optatae spe salutis
Sub ejus patrocinio.

6 a. Pastor pater et patrone,
Tuos In tuto repone,
Quo consortes spei bonae
Firmi stent In periculo.

6 b. Rege, reduc oberrantes
Et confirma bene stantes,
Ut te sint hic Imitantes
Et In futuro saeculo.