368. De sancto Vito.

la. Athletam Christi, juvenilem
Annis, mentc sed senilem
In salubri prudentia.

1b. Perdignum laude veneremur,
Ejus mira moduleniur
Devota cum frequentia.

2 a. Gloriosus puer Virus,
Virtute multa redimitus
Sua In Infantia,

2 b. Reges saevos superavit,
Deos vanos et prostravit,
Fugavit daemonia.

3 a. Membra sanat aretacta,
Caeca patris sunt redacta
In virtute propria,

3 b. Olla fervens tabescebat,
Leo ferox nec laedebat
Sacratam Infantiam.

4 a. Valtu Dei hic electus
Per aquilam est refectus
Cum suis sodalibus,

4 b. Ut oliva pullulantem

Jesus probat hunc Infantem
Diris cruciatibus.

5 a. Quos velut gigas triumphavit
In Christo Jesu, quem amavit
Puro desiderio,

5 b. A patre saevo segregatur,
Terrae longinquae sociatur
Duce nauta angelo.

6 a. Sed post catastae cruciatus
Cum suis sursum est levatus
Ad uethera cum jubilo,

6 b. Ubi decore laureatus
Regnat festive trabeatus
Prae claritatis pallio.

7 a. Tu ergo tam excelse Dei
Nobis, qui sunt Deo rei,
Pio succurre suffragio,

7 b. Ut possimus conregnare,
Tibi semper et laudare
Trinum aeterno tripudio.