364 INTERAMNEN.

patronus, non solum patratur, quando aliquis a sua posses- sione expellitur privato arbitrio et vi; sed etiam quando, neglecta cognitione causae ac iuris ordine non servato, iudex a possessione eiicit aliquem, neque citatum, neque auditum. In isto casu habetur spolium quod iuridicum dicitur; quia tunc iudex, procedens contra normas a lege statutas pro iu- diciis, habetur ceu persona privata, et vis, qua ipse alicui aufert possessionem, aequiparatur vi a privato illatae. Atqui placuit Rmo Episcopo Interamnensi, absque citatione parochi, absque processu, iuris naturae et positivi oblito, controver- siam dirimere relate ad institutionem, consequutamque inve- stituram beneficii Parochialis s. Iohannis. Igitur Episcopus decretans, quod usus auctoritate ordinaria declaravit paroe- ciam vacantem iure et facto, committebat verum spolium iuridicum.

Procurator, spolio iuridico probato, dicit suum clientem omnino restituendum esse in possessione rei, et refert c. VII, tit. 13, lib. 2 Decretalium, quod ad literam, in hac con- troversia quadrare ait. Scribit enim Pontifex Alexander III : « Conque rente nobis R. Clerico accepimus quod ipsum Ec- clesia de Werfort sine iudicio spoliasti. Quia iam non decet honestatem tuam clericos tuae iurisdictionis sine manifesta causa et rationabili suis beneficiis spoliare, quibus teneris paterna fruitione consulere : mandamus quatenus (si ita est) praedicto clerico praefatam ecclesiam cum reditibus, inde perceptis, restituas et in pace possidere permittas ». R. Cle- ricus tunc spoliatus Ecclesiae de Werfort Pontifici conque- rebatur, nunc parochus Franchi spoliatus Ecclesiae s. Ioannis Interamnensis Civitatis, apud S. C. C. conqueritur. Pontifex mandavit clericum restitui, quia non decebat clericum spo- liari sine manifesta causa et rationabili, parili ratione, de- cretum privationis Paroeciae diei 21 Dec. 1891 infirmando, restitui parochum, ante omnia, mandare debetis. Et, prose- quitur orator, sicut Pontifex in citato capite, purgato spolio, dicit Episcopum posse iudicium experiri, ita concedit, quod Episcopus Interamnen., postquam spoliatus plene reintegratus