373. De ss. Angelis.

1. Summae trinitatis
tres summi
adestote angeli.

2 a. Tu purgator Raphael,
illustrator Gabriel,
consummator Michael,

2 b. Nos purgantes macula,
replentes scientia,
consummantes gratia.

3 a. Nam tu, purgator
oculorum,

quos caecavit stercus
avium,

te demonstras
purgatorem cordium,
quibus nocet
foeditas
cogitationum.

3 b. Sed tu, qui visum
Danieli

pandis et secretum
virgini,
te ostendis

scientiarum ministrum,
quae de sursum
descendunt
a patre luminum.

4 a. Tu, qui habes aureum
thuribulum
cum Incensis orationum,

4b. Deum placas humilis
altissimum,
minister consummationum.

5 a. Ergo quod Petrus,
Johannes, Jacobus,
inter apostolos,

5 b. Hoc vos, Michael,
Gabriel, Raphael
estis Inter angelos.

6 a. Jacobus

et Raphael explantant

vitia,

Johannes atque Gabriel

illustrant corda.

6 b. Tu, Petre,

tuque, Michael, bini
vertices

perfectionis, virtutis
pares perfectores.

7 a. Tu draconem,
tu Neronem
humilias,
tu angelum,
tu hominem.

7 b. Hinc daemonum,
hinc Romanum
triumphantes
in Domino
principatum.

8 a. Michael

nam sonat: Quis ut Deus,
humilis et crucem
gyrat Petrus,

8 b. Docentes

omnem gloriam coelo,
terra soli Deo
condebitam.

9 a. Sic ter terni
docetis ordines
ter sanctus
consone clamantes

9 b. Trinum atque

unum Deum, solum
sanctum, sanctis
cunctis praeferendum.

10a. Ad hujus sanctae

trinitatis cultum sanctissi-
mum

10 b. Conjugatorum,

continentium atque rectorum

11a. Vos ternos
continue
ordines vestro
juvamine

11b. Purgate,
illustrate,
humilitate
perficite.

12 a. Ut qui per superbiam,
vanitatem, Illecebram,
heu sumus oppositi
patri, verbo, pneumati,

12 b. Jam per abstinentiam,
oramus, elemosynam,
sobrie, juste, pie
vivamus Deo placite

13 a. In sancta fide, spe,
caritate,
sani, laeti, Integri

13 b. Ter sanctus clamantes
dulcisone
corde, ore, opere,

14. Simusque vobiscum grati
summae trinitati.