370 CERINIOLEN.

nisi libellae 984. 34 ; quae summa plane dignitati Episcopi tuendae impar est.

Ex eadem Bulla recolit dispositionem qua decernitur bona Episcopo assignata debere esse quovis alio onere prorsus li- bera, immunia et exempta deducens Pontificis eam fuisse mentem ut Capituli praestatio semper summam ducatorum 400 exaequaret.

Hanc Capituli obligationem putat Episcopus etiam deduci posse ex consimili causa apud S. C. C. agitatam et defini- tam die 20 Ianuarii 1883 (1) , spectante idem Capitulum Ceriniolae. Agebatur de dismembratione facta anno 1832 unius Paroeciae, tunc Ceriniolae existentis, unde aliae duae constitutae fuerunt, ita ut Capitulum iura stolae sibi reser- vaverit nec non consenserit in suppressionem 6 praebenda- rum Mansionariorum sub obligatione solvendi Parochis an- nuam summam ducatorum 150, titulo congruae. Cum vero postea haec congrua gravata fuerit taxa vulgo dicta di ric- chezza mobile, quaesitum fuit: An onus taxae vulgo - ric- chezza mobile - sustinendum sit a parochis vel a Capitulo in casu; et S. C. C. respondit: Negative ad primam par- tem, affirmative ad secundam.

Demum notat Episcopus, non posse quaeri aliquod sola- tium vel perfugium in reditibus Mensae episcopalis cumca- thedralis Asculi, quae taxis et omnis generis oneribus exhau- sta, non minus indigens est.

DEFENSIO CAPITULI. E X adverso Capitulares non minus in suo bono iure confidunt. Praeprimis advertunt per Bullam erectionis Capitulo factam fuisse obligationem principalem tribuendi Episcopo certa bona stabilia ob omni onere exem- pta, et aliam subordinatam, solvendi Mensae Episcopali annuam praestationem ducatorum 400. Ex circumstantiis in facti specie enucleatis, modo haec altera contributio servatur. Unde concludunt, Bullam eo spectare, ut quocumque in casu Episcopus reciperet a Capitulo integram summam ducato- rum 400; sed nihil amplius.

(i) Habes hanc quaest. Vol. XV, 321.