374. De ss. Angelis.

la. Sollemnizet plebs fidelis
Ad honorem Michaelis
Atque coeli civium,

1b. Laus In terra, laus In caelis,

Liae clamant et Rachelis

Advenisse gaudium.

2 a. In excessu mentis piae
Tres adstantes hierarchiae
Miro vacant jubilo,

2 b. Dum te laudant, trishagie
Replent omnes thearchiae
Lumen sine Iubilo.

3 a. Fluens rore matutino
Nomen trahit a camino
Seraphica legio,

3 b. Quo plus adstat a vicino,
Christe, tibi, plus divino
Crematur Incendio.

4 a. Cherub visum non offendit
Lux Immensa sed accendit
In te, lumen luminum,

4 b. Et secreta comprehendit,

Comprehensa his ostendit

Subjectorum agminum.

5 a. Coassistunt Isti throni,
Qui causarum sunt patroni
Dictantes judicia,

5 b. Huic clarum est legioni,
Quod per eam vult disponi
Deus emersentia.

6 a. Dominari qui dicuntur,
Mira pace perfruuntur
Visa Dei requie,

6 b. Intra sese colliguntur

Et sequentes his subduntur
Modo reverentiae.

7 a. Virtuosis rex virtutum
Praebet eis absolutum
Robur ad prodigia,

7 b. Famulatur his ad nutum
Servans horum constitutum
Mundana materia.

8 a. Sexto loco potestates
Per collatas dignitates
Deiforme perferunt,

8b. Arcent larvas et penates
Et eorum pravitates,
Qui peccata suggerunt.

9 a. Sacer ordo principatus
Suo loco sublimatus
Principatur subditis:

9 b. Hi deponunt potentatus,
Mutant regna, mutant status
Pro diversis meritis.

10 a. Phalanges archangelorum
Sunt legati secretorum
Majorum ad homines,

10 b. Subest chorus angelorum ;

Ad excelsum et decorum

Nos hi ducant ordines.