377. De sanctis Apostolis.

la. Creatoris laude pie
Festa agens In hac die
Jubilat ecclesia,

1b. Apostolis solemnizat
Jure horum et hymnizat
Digna pro memoria.

2 a. Quorum dicta fundamenta
Sunt et scripta Instrumenta
Pro salute hominum,

2 b. Hi sunt patres principales,
Duces gregis generales
Ad cunctorum Dominum

3 a. Propinantes, quae hauserunt,
Ministrantes, quae sumpserunt
Messiae praesentia,

3b. Quo vocati et electi
Gente omni ac profecti,
Docti sunt Ingentia.

4 a. His paterna Impertivit,
Quorum sonus tunc exivit
Fines terrae protinus,

4b. Dum rex scandens desolatis
Dotem misit corde patris
Primitias spiritus.

5 a. Ex tunc coelum ornaverunt,
Cum ad fidem converterunt
Infinita milia,

5b. Et Ipsorum patronatus
Christianitatis status
Datur ad praesidia.

6 a. Ergo Christi vicarii,
Mementote pie nostri,
Mundi luminaria,

6 b. Hic In fide roborate,

Post ad regnum nos juvate
Dispositum patria.

7. Amen dicant omnia.

3755. De sanctis Apostolis.

la. Cor angustum dilatemus,
Ut senatus exaltemus
Laudes apostolici;

1b. Voce vita non discordet,
Nam si vitam vox remordet,
Fructus laus est modici.

2 a. Hi sunt templi fundamentum.
Vivus lapis et caementum
Ligans aedificium:

2b. Hi sunt portae civitatis,
Hi compago unitatis
Israel et gentium.

3 a. Hi praeclari Nazarei
Bella crucis et trophaei
Mundo narrant gloriam;

3 b. Paranymphi novae legis
Sponsam ad amplexum regis
Conducunt ecclesiam.

4 a. Coeli cives digni dici,
Christi fratres et amici,
Consessuri judices,

4 b. Quando fremet furor irae,
Date nobis non sentire
Flammas culpae vindices.