379. De sanctis Apostolis.

la. Felix mater ecclesia
Laudes promat voce pia
Christo, regi coelorum,

1b. Recolens gesta Inclita
Gloriosaque merita
Ejus discipulorum.

2 a. Aulam cujus cum honore
Mundi transacto labore
Conscenderunt hodie,

2 b. Trino Deo et simplici
Ut fruantur mirifici
Revelata facie.

3 a. Ecclesiae militantis
In boc mari laborantis
Hi sunt duces laurei,

3 b. Regni coelestis milites
Firmissimique stipites
Orthodoxae fidei.

4 a. Mundo novam pandunt viam
Admirandamque sophiam,
Quam probant miraculis,

4b. Agnum Dei Incarnatum,
Jam In cruce Immolatum
Nostris pro piaculis.

5 a. Rabida gens conturbatur
Haec audiens, comminatur
Christum praedicantibus,

5 b. Coelum tandem laureati
Conscenderunt illibati
Angelis plaudentibus.

6 a. Veneremur ergo, fratres,
In hac die nostros patres
Et Christi discipulos,

6 b. Supplicantes ut ad vitam
Suis precibus Inclitam
Ducant suos famulos.