380. De Evangelistis.

la. Sacrasanctae majestati
Dei Patris, Dei nati,
Dei Flaminis beati,
Uni Deo gloria

1b. De concordi symphonia,
Quam bis bina mente pia
In coelesti hierarchia
Promunt animalia.

2 a. Vox Joannis, vox Matthaei,
Marci, Lucae laudes Dei
Canit praesto semper ei
Laudandi frequentia.

2b. Hi bis binis sub figuris
Evangelicis scripturis
Pandunt cunctis credituris
Fidei mysteria.

3 a. Paradisi quadrum flumen,
Quadri pedes mensae, lumen
Orbis quadri, rerum numen
Vestra per suffragia

3 b. A peccatis nos emundet,
Fructu vitae nos fecundet,
Ut In nobis sic abundet
Ejus semper gratia.