381. De uno Martyre.

la. Martyr Iste pro te, Christe,
Crudeles ac varias

1b. Magis poenas quam terrenas
Dilexit delicias.

2 a. Non dolores, non terrores
Sed nec ulla prospera,

2 b. Non adversa nec diversa
Tormentorum genera,

3 a. Denique nec gladius
Cor illias frangere

3 b. Potuerunt sed fecerant
Invictum existere.

4a. Sprevit mundana
Falsa, vana
Et caduca

Carnis et Illecebras;

4 b. Bajulans crucem
Veram lucem
Magis sequi

Elegit quam tenebras.

5 a. O quanta patientia,
Quae tanta supplicia
Promeruit devincere
Nec novit succumbere.

5 b. O Jesu, pie Domine,
Haec In tuo nomine
Superare valuit,
Qui de se nil habuit.

6 a. Per te mundum vicit totum

Te solum diligens,

Tibi sponte se devotum

Obtulit sacrificium.

6b. Hujus mundi blandimenta
Respuit arbitrans,
Sibi fore detrimenta,
Coeli sitiens gaudium.

7 a. Ave, martyr o praeclare,
Apud Christum deprecare
Pro nostris excessibus,

7 b. Collocatus coeli sede
Supplicanter Intercede
Pro cunctis fidelibus.

8 a. Nos urgemur tot pressuris,
Tantis malis, tantis curis,
Tot calamitatibus,

8b. Sed fieri propitium
Credimus Dei filium
Tuis sacris precibus.

9 a. Ergo, martyr pretiose,
Funde preces, filius

9b. Ut virginis gloriosae
Sit nobis propitius.

10 a. Atque pater det paterna
Pietate sempiterna
Nobis coeli gaudia.

10b. Quod erramus sic condonet,
Ut cum sanctis nos coronet
In aeterna patria.

11a. In qua martyr

Georgius triumphat
Cum ceteris martyribus,

11b. Festum cujus

Celebramus hodie
Devotis cum laudibus.

12 a. Ad Ipsius consortium
Nos venire faciat,

12 b. Qui electos suos omnes
Vero pane satiat.