382. De uno Martyre.

la. Laudes Deo promere
Corde, ore opere
Cura sit fidelibus,

1b. Festum curent colere.
Martyrem attollere
Voto, voce, precibus.

2 a. Manat Dei gratia
Ut aquarum copia,

Quae fluunt de Libano,

2 b. Rore sancti spiritus
Sanctum rigat coelitus
In amoris clibano.

3 a. Unde sequens Dominum
Spretis minis hominum
Dat cruorem roseum,

3 b. Exiens exsilium

Intrat In hoc stadium
Thalamum aethereum.

4 a. In quo stolae geminae
Agni tincta sanguine
Purpura Induitur,

4b. Deitatis specie
Revelata facie

Cum beatis fruitur.

5 a. Is se diligentibus,
In se confidentibus,
Nobis donet veniam,

5 b. Qui canendo dulciter
Veneremur jugiter
Martyris victoriam.