378 LUCIONEN.

Pictaviensis, Rupellensis et Lucionensis, quae maximum pon- dus in quaestione habuissent, siquidem in ipsorum dioecesibus ortus et defunctus est B. Fundator, in his initium habuit et domum principalem retinet institutum. Plures Episcopi pla- gae occidentalis in qua maiori numero existunt sorores Sa- pientiae contrarii sunt. Deinde ex Episcopis qui adhaesionem dederunt, nonnulli id egerunt quin meritum quaestionis agno- scerent, vel quia putarunt petitionem procedere de consensu Ordinarii et Cardinalis protectoris : hinc est quod re melius cognita 13 ex his retractarunt sensum tributum eorum li- teris a Monialibus. Post hoc Episcopus producit 30 epistolas Cardinalium, Archiepiscoporum et Episcoporum Galliae con- corditer petentium, quod sorores Sapientiae non eximantur a legitima Ordinariorum dependentia, quod verteret in ma- lum exemplum aliorum Institutorum eiusdem conditionis et in damnum ecclesiasticae disciplinae.

Concludit demum Episcopus examinans decisionem S. Con- gregationis, quod, quamvis per eam apparenter videatur in tuto posita iurisdictio Ordinariorum, tamen de facto aliter est sive ob interpretationem peractam a duobus institutis adversariis, sive ob coexistentiam Superioris generalis, cui etiam tribuitur facultas praesidendi Capitulum generale prae- dictarum Sororum cum dispendio iurisdictionis Ordinarii Lu- cionensis, in cuius dioecesi existit domus principalis : quae facultas a Decreto Congregationis tributa praefato Superiori generali, iuxta Episcopum, est contradictio in iure et in facto. Est contra ius, quia Constitutiones aperte talem fa- cultatem tribuunt non Superiori Generali, sed Ordinario Do- mus Matris : est contra factum quia haec facultas semper recognita fuit in praedicto Ordinario etiam ab ipsis Supe- rioribus Generalibus Congregationis Marianae, qui si eam exercuerunt, id peregerunt tamquam delegati ipsius Ordinarii.

Ex his hucusque adductis, Episcopus instat pro plena iuris comunis applicatione.

MONIALIUM DEFENSIO. Ex adverso Sorores filiae Sapientiae, praemisso quod decisio S. Congregationis firmavit rerum sta-