383. De uno Martyre.

la. Dulce melos tangens caelos
Resonet ecclesia

1b. Matris cursum, quae estsursum,
Sonet et tripudia.

2 a. Cujus status mansionis
Vim transcendit rationis,

2 b. Coram throni suavi sono
Cives tonant altithrono.

3 a. O quam ardenter sitiunt
Dilectum, quem prospiciunt,

3 b. Fruuntur nec fastidunt,
Quo frui magis sitiunt.

4 a. Sanctus, cujus hodie
Agitur memoria,
Christum regem gloriae
Jam videt In gloria.

4b. Illic juncta trinitati

Fulget mater Domini.

Plaudant ergo jam renati,

Trino sonent numini.

5 a. Sed tu, Jesu, mores cinge,
Mundum, carnem, hostem
stringe.

5 b. Nec tu nos permitte labi
Nec necessitate abi.

6 a. Restitue deperdita

Sanctorum per suffragia.

6b. Adde polorum Inclita

Post haec mundi naufragia.